8-mart – Xalıqaralıq hayal-qızlar kúni múnásibeti menen Ózbekstan mámleketlik dene tárbiyası hám sport universiteti Nókis filialında islewshi hayal-qızlar arasında salamat turmıs tárizin úgit-násiyatlaw maqsetinde «Kewilli startlar» sport jarısı bolıp ótti.

Jarıstı filial direktorı B.Erimbetov kiris sóz benen ashıp berdi hám qatnasıwshılarǵa tabıslar tiledi.

Bayram qarsańında hayal-qızlar arasında joqarı dárejede shólkemleskenlik penen ótkerilgen jarısta “Tumaris”, “Zulfiyalar”, “Aktivisler”, “Chempionlar” hám “Báhár” komandaları aǵzaları óz-ara kúsh sınastı.

Qızǵın bellesiwlerge bay tárizde bolıp ótken jarıs juwmaǵında “Chempionlar” komandası 1-orın, “Báhár” komandası 2-orın hám “Tumaris” komandası aǵzaları 3-orındı iyeledi.

Jeńimpaz komanda aǵzaları filial tárepinen Diplom hám Ózbekstan mádeniyat, sport hám turizm xızmetkerleri kásiplik awqamı keńesiniń Qaraqalpaqstan Respublikası birlesken komiteti tárepinen estelik sawǵaları menen sıylıqlandı.

Filial Baspasóz xızmeti.