Shańaraq hám jámiyetimizdiń ústini, ómirimizdiń qut-bereketi hám kórki bolǵan hayal-qızlardı qádirlew, olarǵa húrmet-izzet kórsetiw xalqımız ushın ázel-ázelden ullı qádiriyat bolıp kelgen.

Búgin Ózbekstan mámleketlik dene tárbiyası hám sport universiteti Nókis filialında 8-mart — Xalıqaralıq hayal-qızlar kúni bayramı múnásibeti menen filial miynet jámáátinde jumıs isleytuǵın hayal-qızlardan ibarat professor-oqıtıwshılar, texnik xızmetkerler hám student-qızlar qatnasında bayram keshesi bolıp ótti.

 Bayram keshesin filial direktorı, professor Bayrambay Erimbetov kiris sóz benen ashtı hám ilaj qatnasıwshıların bayramı menen qızǵın qutlıqladı.

Soń filialda jumıs isleytuǵın hayal-qızlarǵa húrmet kórsetilip, olarǵa bayram sawǵaları tapsırıldı.

Bayram keshesi Ózbekstan mámleketlik dene tárbiyası hám sport universiteti Nókis filialı student-jasları tárepinen tayarlanǵan koncert baǵdarlaması menen dawam etti.

Filial Baspasóz xızmeti.