Búgin Ózbekstan mámleketlik dene tárbiyası hám sport universiteti Nókis filialında student-jaslardıń densawlıǵın saqlaw, olarda keselliklerge shatılıwdıń aldın alıw, óz waqtında emlew hám medicinalıq sharaların kóriw maqsetinde Respublikalıq jas óspirimler dispanseriniń bas shıpakeri qatnasında dekan, hayal-qızlar máseleleri boyınsha direktor másláhátshisi, tyutorlar hám miyirbiykeleri qatnasında ushırasıw bolıp ótti.

Onda Respublikalıq jas óspirimler dispanseriniń bas shıpakeri Tayır Dalimbetov dispanserde student-jaslardıń densawlıǵın saqlaw. Olarǵa kórsetilip atırǵan medicinalıq xızmetler hám ol jerde jaratılǵan sharayatlar haqqında ushırasıw qatnasıwshılarına keń túrde maǵlıwmat berip ótti.

Sońǵı waqıtlarda jeke menshik medicinalıq shólkemler tárepinen studentlerdiń densawlıǵı menen baylanıslı hár qıylı tiykarlanbaǵan hújjetlerdiń berilip atırǵanın atap ótildi hám oqıw ornındaǵı juwapkerlerdi bunday tiykarlanbaǵan medicinalıq hújjetlerge dus kelgende onıń durıs yaki nadurıs ekenligin anıqlaw boyınsha birge islesiwge kelisip alındı. Sebebi, bul jerde birinshi náwbette student-jaslardıń densawlıǵı áhmiyetli ekenligine áhmiyet qaratıldı.

Filial Baspasóz xızmeti.