Ózbekstan Respublikası Ministrler Kabinetiniń «Joqarı bilimlendiriw sistemasında dual tálimdi shólkemlestiriw is-ilajları haqqında»ǵı qabıl etilgen qararı tiykarında filial hám oray ortasında óz-ara shártnama dúzilgen edi.

Xızmet saparı dawamında Ózbekstan mámleketlik dene tárbiyası hám sport universiteti rektorı Rashid Matkarimov universitettiń Nókis filialı direktorı Bayrambay Erimbetov penen birge Nókis olimpiya hám paralimpiya sport túrlerine tayarlaw orayında boldı hám oljerde bilim alıp atırǵan oqıwshılar menen ushırastı.

Ushırasıwda rektor joqarı hám orta arnawlı oqıw orınları arasında dúzilgen shártna tiykarında Nókis olimpiya hám paralimpiya sport túrlerine tayarlaw orayınıń pitkeriwshilerin Ózbekstan mámleketlik dene tárbiyası hám sport universiteti hám universitettiń Nókis filialına oqıwǵa qamtıp alıw maqsetinde oqıw ornınıń ishki imkaniyatları, studentlerdiń bilim alıwları ushın jaratılǵan sharayatlar, oqıwǵa hújjet tapsırıw tártibi hám bolıp ótetuǵın kásiplik dóretiwshilik imtixan, test sınaqları haqqında túsinikler berip ótti.

Oqıwshılar universitet hám onıń Nókis filialı haqqında ózlerin qızıqtırǵan sorawlarına juwaplar aldı.

Filial Baspasóz xızmeti.