Ózbekstan Respublikası Prezidentiniń 2025-jıl 14-fevral kúni «Joqarı bilimlendiriw shólkemleri pitkeriwshilerin jumısqa jaylastırıwǵa kómeklesiw boyınsha qosımsha is-ilajlar haqqında» ǵı qararı qabıl etilgen edi.

Usı qarar tiykarında «Ózmilliybank» AJ tárepinen joqarı oqıw orınları pitkeriwshileriniń biznes ideyaların qáliplestiriw hám ámelge asırıw boyınsha kómek hám másláhátler beriw, jumısqa jaylastırıw boyınsha imkaniyatlardı jaratıw maqsetinde «Keleshekke qádem» orayı shólkemlestirilgen edi.

Búgin Ózbekstan mámleketlik dene tárbiyası hám sport universiteti Nókis filialında «Biznes ideyadan tayar joybarǵa shekem» atamasında pitkeriwshi kurs studentleri menen ushırasıw bolıp ótti.

Ushırasıwda filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı R.Xaydarov hám Oqıw isleri boyınsha orınbasarı B.Utemuratovlar tárepinen «Keleshekke qádem» orayınıń studentlerdiń biznes joybarların qollap-quwatlaw maqsetinde «Ózmilliybank» AJ tárepinen islep shıǵılǵan qarjılay xızmetler paketi yaǵnıy kredit alıw tártibi haqqında túsinikler berip ótti.

Filial baspasóz xızmeti.