Studentler menen tıǵız islesiwdi jolǵa qoyıw, olardı ilimge baǵdarlaw, oqıw barısında dus kelip atırǵan tosıqlardı anıqlaw, júz beriwi múmkin bolǵan korrupciyalıq jaǵdaylardıń aldın alıw baǵdarında olardıń pikir usınısların tıńlaw hám ushırasıp atırǵan mashqalalardı sol jerdiń ózinde saplastırıw maqsetinde «Direktor hám jaslar» ushırasıwı bolıp ótti.

Onda Ózbekstan mámleketlik dene tárbiyası hám sport universiteti Nókis filialı direktorı, professor B.Erimbetov student-jaslarǵa Prezidentimiz tárepinen jaslardıń aydın keleshegi ushın jaratıp atırǵan múmkinshilikleri, oqıw ornınıń ishki imkaniyatları, aldaǵı rejeleri, studentlerdiń ilim hám sport baǵdarında erisip atırǵan jetiskenlikleri haqqında maǵlıwmatlar berip ótti.

Soń studentlerdiń juwmaqlawshı qadaǵalaw imtixanlardıń nátiyjeleri, ámeliy sabaqlardan lekciyaǵa jetip keliw ushın aralıqtaǵı waqıt máselesi, yaǵnıy, sabaqlardıń bólistiriliw kestesi haqqındaǵı pikir-usınısların tıńladı.

Ushırasıw barısında filial direktorı studentler tárepinen berilgen sorawlarına juwaplar berdi hám bildirilgen usınısları inabatqa alınatuǵınlıǵın atap ótti.

Filial Baspasóz xızmeti.