Ózbekstan mámleketlik dene tárbiyası hám sport universiteti Nókis filialında korrupciyaǵa qarsı gúresiw hám ashıqlıqtı támiyinlew mexanizimlerin turmısqa engiziw maqsetinde «Jaslarda korrupciyaǵa qarsı múnásibetti qáliplestiriw» atamasında ushırasıw bolıp ótti.

Ilajdı filialdıń korrupciyaǵa qarsı gúresiw komplaens-qadaǵalaw sistemasın basqarıw bóliminiń qánigesi N.Ramanqulov kiris sóz benen ashtı hám basqarıp bardı.

Soń Qaraqalpaqstan Respublikası Ádillik ministrliginiń huqıqıy axborot sektorı bas másláhátshisi B.Matjanova, Qaraqalpaqstan Respublikası Ishki isler ministrlignen korrupciya hám ekonomikalıq jınayatlarǵa qarsı gúresiw bólimi qánigesi, mayor S.Tureev hám filialdıń profilaktika inspektorı, kapitan R.Ismaylovlar student-jaslarǵa korrupciyanıń jámiyet rawajlanıwına kórsetetuǵın keri tásirleri hám korrupciyalıq jaǵdaylarǵa dus kelgende yamasa gúwası bolǵanda kay jerlerge xabar beriw kerekligi haqqında maǵlıwmatlar berdi.

Studentler taraw qánigelerinen ózlerin qızıqtırǵan sorawlarına juwaplar aldı.

Filial Baspasóz xızmeti.