Usı jıldıń 1-5-aprel kúnleri Braziliya mámleketinde boks boyınsha Jáhán kubogı bellesiwleri bolıp ótken edi.

Kubog bellesiwlerinde Ózbekstan mámleketlik dene tárbiyası hám sport universiteti Nókis filialın 2024-jılı pitkergen  Madiyar Daniyarov múnásip qatnasıp, qola medalın qolǵa kirgizdi.

Nókis xalıqaralıq aeroportında Madiyar Daniyarov saltanatlı túrde kútip alındı.

Kútip alıw máresimine Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev, Joqarǵı Keńestiń komitet baslıǵı M.Atamuratov, Sport ministri E.Qutıbaev, sport ustaları menen bir qatar jaslar hám jaqınları qatnasıp, pútkil xalqımız atınan qızǵın qutlıqladı hám aldaǵı jarıslarında da tek áwmet yar bolıp, bunnan da joqarı nátiyjelerge erisiwinde tilekleslik bildirdi.

©️Qaraqalpaqstan Respublikası Joqarǵı Keńesiniń Málimleme xızmeti.