Ózbekstan Respublikası Prezidentiniń 2025-jıl 3-yanvarda «2025-jılda respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin bunnan bılayda arttırıw boyınsha ilajları haqqında»ǵı PP-1-sanlı qararı qabıl etilgen edi.

Usı qarardıń orınlanıwın támiyinlew maqsetinde Jınayat isleri boyınsha Bozataw rayonı sudınıń sudiyası Ózbekstan mámleketlik dene tárbiyası hám sport universiteti Nókis filialı studentleri menen ushırastı.

Ilajda taraw qánigesi tárepinen qarardıń mazmun mánisi student-jaslarǵa keń túrde túsindirilip berildi. Sonıń menen birge  aymaqlarda júz beriwi múmkin bolǵan jınayatlardıń aldın alıw hám jınayat islegen shaxslarǵa nızam sheńberinde kóriletuǵın jaza sharaları haqqında maǵlıwmatlar berildi.

Studentler taraw qánigesinen bul baǵdarda ózlerin qızıqtırǵan sorawlarına juwaplar aldı.

Filial Baspasóz xızmeti.