Ózbekstan mámleketlik dene tárbiyası hám sport universiteti Nókis filialında «Sport túrleri teoriyası hám ámeliyatı: mashqala hám sheshimler» atamasında respublikalıq ilimiy-ámeliy konferenciyası bolıp ótti.

Konferenciyaǵa elimizdegi joqarı oqıw orınlarınan tısqarı, Rossiya mámleketinende ilimpazlar, jas izleniwshiler, magistrantlar hám studentler qatnastı.

Konferenciyanı filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı Rustam Xaydarov kiris sóz benen ashıp berdi.

Soń konferenciya óz jumısın basladı. Ózbekstan mámleketlik dene tárbiyası hám sport universiteti Nókis filialı “Jeke gúres hám tabiyiy pánler” kafedrası baslıǵı p.i.b.f.d. (PhD), docent Sultanbek Toylibaev, Nókis olimpiya hám paralimpiya sport túrlerine tayarlaw orayı ruwxıylıq hám aǵartıwshılıq isleri boyınsha direktor orınbasarı Salamat Satbaev, Ózbekstan mámleketlik dene tárbiyası hám sport universiteti “Adaptiv dene tarbiya hám para sport” kafedrası docent w.a., p.i.b.f.d. (PhD) Eldor O‘rinboyev, Ájiniyaz atındaǵı Nókis mámleketlik pedagogikalıq instituti oqıtıwshısı Polatbay Mamutov, Moskva qalalıq pedagogika universiteti, pedagogika ilimleriniń kandidatı, docent Russu Olga Nikolaevna hám basqalar  tárepinen búgingi kúnniń áhmiyetli máseleleri boyınsha bayanatlar jasalıp, bul boyınsha ilimpazlar hám qánigeler ózleriniń pikirlerin bildirdi.

Bayanatshı hám qatnasıwshılar tárepinen bildirilgen pikir hám usınıslar inabatqa alǵan halda bul baǵdarda is-ilájları belgilep alındı.

Belsene qatnasqan izleniwshiler hám student-jaslar filial administraciyası tárepinen sertifikat penen sıylıqlandı.

Filial Baspasóz xızmeti.