Joqarı bilimlendiriw sistemasın bunnan bılay da jetilistiriw, oqıw procesiniń nátiyjeliligin arttırıw hám studentlerdiń sapalı bilim alıwı ushın zárúr sharayatlardı jaratıw maqsetinde Ózbekstan Respublikası Joqarı bilimlendiriw, ilim hám innovaciyalar ministrligi tárepinen dúzilgen jumısshı topar aǵzaları Ózbekstan mámleketlik dene tárbiyası hám sport universiteti Nókis filialı úyreniw jumısların alıp barmaqta.

Respublikalıq jumısshı topar aǵzaları filialdıń málimleme-resurs orayındaǵı kitapxana fondı, elektron kitapxana sisteması, pánler kesiminde oqıw ádebiyatları menen támiyinleniw jaǵdayı hám olardıń jańalanıwı menen jaqınnan tanıstı.

Tanısıw barısında Joqarı bilimlendiriwdi rawajlandırıw izertlewleri orayı basqarma baslıǵı Soyibjon Tajibaev hám Buxara mámleketlik pedagogikalıq institutı matematika hám informatika kafedrasınıń docenti Anvarjon Rashidovlardan dúzilgen Respublikalıq jumısshı topar aǵzaları málimleme-resurs orayı xızmetkerleri hám paydalanıwshılar menen sáwbetlesip, bul jerde paydalanıwshılarǵa jaratılǵan sharayatlar, bilim alıwshılardıń oqıw ádebiyatlarına bolǵan talabı hám bul talaptıń qanshelli dárejede qanaatlandırılıp atırǵanına ayrıqsha itibar qaratı.

Filial Baspasóz xızmeti.