Ózlerińizge málim sońǵı jılları mámleketimizde jaslar bántligin támiyinlew, kásip óner iyelewge baǵdarlaw, jumısqa jaylasıwın, olardı turaqlı jumıs orınları menen támiyinlew. Sonday-aq, olarǵa qosımsha dáramat tabıwı ushın imkaniyat jaratıp beriwge ayrıqsha itibar qaratılǵan.

Búgin Ózbekstan mámleketlik dene tárbiyası hám sport universiteti Nókis filialında pitkeriwshi kurs studentlerin turaqlı jumıs orınları menen bántligin támiyinlew maqsetinde “Bos jumıs orınları” miynet yarmarkası shólkemlestirildi. Onda respublikamızdaǵı 80 mákeme, kárxana hám shólkemler 112 bos jumıs ornı menen qatnastı.

Yarmarkada Qaraqalpaqstan Respublikası Kambaǵallıqtı qısqartıw hám bántlik ministirligi bólim baslıǵı Salamat Erimbetov hám Qaraqalpaqstan Respublikası Ózbekstan Milliy bank qánigesi Nawrız Ibraimovlar ilaj qatnasıwshılarına mákeme, kárxana hám shólkemlerinde bar jumıs orınları haqqında maǵlıwmatlar berip ótti.

Jaslar bántligin támiyielew, ásirese, student-jaslardı kásip-óner iyelewge baǵdarlaw, jumısqa jaylastırıw maqsetinde shólkemlestirilgen “Bos jumıs orınları” miynet yarmarkasında student-jaslar qánigelikleri boyınsha bos jumıs orınları menen tanısıw imkaniyatına iye boldı.

Filial Baspasóz xızmeti.