Ózbekstan Respublikası Joqarı bilimlendiriw, ilim hám innovaciyalar ministrligi tárepinen may ayı joqarı oqıw orınlarında «Sport aylıǵı» dep járiyalandı hám usı aylıq sheńberinde «Sportshı el – qorǵawshısı» súreni tiykarında hár túrli sport jarısların ótkeriw belgilep alınǵan edi.

Búgin Ózbekstan mámleketlik dene tárbiyası hám sport universiteti Nókis filialında «Sportshı el – qorǵawshısı» súreni tiykarında sporttıń «Darts» túrinen filialdıń student-qızları arasında «Sport túrleri» fakulteti birinshligi ótkerildi.

Usı jarısqa jámi bes komanda qatnastı. Qatnasıwshılardan anıqlılıqtı talap etetuǵın jarıs juwmaǵında «Dene tárbiya teoriyası hám gumaniy pánler» kafedrası komandası 1-orın, «Sport oyınları» kafedrası komandası 2-orın hám «Jeke gúres hám tábiyiy pánler» kafedrası komandası 3-orındı iyeledi.

Jeńimpaz komanda aǵzaları shólkemlestiriwshiler tárepinen Diplom hám estelik sawǵaları menen sıylıqlandı.

Filial Baspasóz xızmeti.