Búgin Ózbekstan mámleketlik dene tárbiyası hám sport universiteti Nókis filialında 1-kurs studentleri qatnasında jıynalıs bolıp ótti.

Onda Oqıw metodikalıq bólimi baslıǵı D.Koshanov, Registrator ofisi baslıǵı D.Nurıshov hám Cifrlı tálim texnologiyaları orayı baslıǵı N.Niyazımbetovlar 1-kurs studentlerine Ózbekstan Respublikası Ministrler Kabinetiniń 2025-jıl 10-mart kúni «Joqarı bilimlendiriw shólkemlerinde studentlerge grantlardı beriw hám qayta bólistiriw tártibi haqqındaǵı nızamın tastıyıqlaw haqqında» 149-sanlı qararınıń mazmun mánisin tolıq túsindirip ótti. Yaǵnıy, qanday tártipte tolıq tálim grant, tolıq bolmaǵan tálim grant hám oǵan ótiw ushın arza beriw tártibi haqqında maǵlıwmatlar berdi.

Studentler bul baǵdarda ózlerin qızıqtırǵan sarawlarına tolıq tuwaplar aldı.

Filial Baspasóz xızmeti.