Ózbekstan Respublikası Prezidentiniń baslaması menen jaslardıń bos waqıtların nátiyjeli hám mazmunlı shólkemlestiriwge qaratılǵan “Bilimlendiriwde áhmiyetli 90 kúnlik” joybarı sheńberinde Ózbekstan mámleketlik dene tárbiyası hám sport universiteti Nókis filialı tárepinen Moynaq rayonı mektep oqıwshıları arasında «Direktor kubogi» ushın sporttıń kurash túrinin jarıs shólkemlestirildi.

Filial tárepinen shólkemlestirilgen jarısqa rayondaǵı 2012-2013-jılları tuwılǵan sportshılar óz-ara bellesti. Bir birinen qızıqlı hám mazmunlı bolıp ótken jarıs juwmaǵında jeńimpazlar anıqlandı.

Olar filial tárepinen Diplom hám estelik sawǵaları menen sıylıqlandı.

Filial Baspasóz xızmeti.