Professor-oqıtıwshınıń sabaq ótiw sheberligi, studentlerdi sabaqqa qızıqtırıw hár bir oqıtıwshınıń pedagogikalıq sheberligine baylanıslı. Bunı filial professor-oqıtıwshısı Rashid Shaniyazov mısalınan kóriwge boladı.

Rashid aǵa ózine biriktirilgen «Sport salamatlastırıw turizmi» sabaǵın studentlerge elede jaqsı hám túsinikli etip ótiw maqsetinde Xorezm wálayatı Xiywa qalasında jaylasqan «Iyshan qala» tariyxıy esteligine alıp bardı hám tariyxıy estelikler, «Iyshan qala», eski qala kompleksi, meshit, medrese, minaralar, tórt dárwazası menen tanıstırıp olarǵa paydalı hám qızıqlı maǵlıwmatlar bere aldı.

Eń baslısı Rashid Shaniyazov student-jaslarda ana Watandı, eski tariyxıy orınlardı húrmet etiw sezimlerin oyata aldı hám ishki turizimniń rawajlanıwınada óziniń úlesin qostı.

Filial Baspasóz xızmeti.