Filial student jaslarınıń sabaqtan bos waqıtların kewilli hám mazmunlı ótkeriw, olardı Watan súyiwshilik ruwxında tárbiyalaw maqsetinde Ózbekstan mámleketlik dene tárbiyası hám sport universiteti Nókis filialı direktorı B.Erimbetov, studentler hám tyutor N.Artıqbaeva menen birgelikte Qaraqalpaq mámleketlik universiteti quramındaǵı Reperessiya qurbanların eslew muzeyine sayaxatqa bardı.

Filial direktorı, tyutor hám studentler sayaxat barısında muzey ekskursavodtı Raxman Buranov tárepinen hár bir eksponant penen jaqınnan tanıstırıldı. Muzey zallarınan orın alǵan hár bir eksponant studentlerde úlken qızıǵıwshılıq oyatı. Sayaxat dawamında studentler xalqımız basınan ótkergen awır sınaqları, tariyxıy waqıyalar, millet pidayılarınıń ómiri hám mártlikleri haqqında tolıq maǵlıwmatlarǵa iye boldı.

Oqıw ornınıń basshısı menen shólkemlestirilgen bul sayaxat studentlerde Watan súyiwshilik sezimlerin oyattı hám tariyxıy esteliklerge húrmet, milliy qádiriyatlarǵa sadıqlıq sezimlerin elede bekkemledi.

Filial Baspasóz xızmeti.