Ózbekstan mámleketlik dene tárbiyası hám sport universiteti Nókis filialı tyutorları gúz-qıs máwsimin qáwipsiz hám zıyansız ótkeriw, studentlerdiń qáwipsizligin támiyinlew maqsetinde qalalıq Ayrıqsha jaǵdaylar bólimi ijara shártnaması tiykarında ijara úylerinde jasap atırǵan studentlerdiń úyleriniń qazanqanaları hám morılarınıń gúz-qıs máwsimine tayarlıǵın úyrendi.

Úyreniwler barısında taraw qánigeleri tyutorlar menen birgelikte ijarada jasawshı studentlerge órt qáwipsizligi qaǵıydalarına qatań ámel etiw kerekligi haqqında túsindiriw jumısların alıp bardı.

Eger xanada gaz iyisin sezgende yaki órt júz bergende birinshi bolıp ne islewi hám qalay háreketleniwi kerekligi haqqında tolıq maǵlıwmat berip ótti. 

Filial Baspasóz xızmeti.