Ózbekstan mámleketlik dene tárbiyası hám sport universiteti Nókis filialında 9-dekabr “Xalıqaralıq Korrupciyaǵa qarsı gúresiw” kúni hám «Korrupciyaǵa qarsı gúresiw aylı»ǵı sheńberinde professor-oqıtıwshıları hám student-jasları qatnasında  «Ashıq esikler kúni» ótkerildi.

Ilajd filial direktorı, professor Bayrambay Erimbetov kiris sóz benen ashıp berdi.

Bunnan soń sóz alǵan Qaraqalpaqstan Respublikası Ministrler Keńesiniń Korrupciyaǵa qarsı ishki qadaǵalaw bólimi baslıǵı B.Matmuratov, Qaraqalpaqstan Respublikası Ádilik ministrligi sektor baslıǵı N.Berdiniyazova, Qaraqalpaqstan Respublikası Prokuraturası prokuror járdemshisi A.Jumanazarov, Qaraqalpaqstan Respublikası Sport ministrligi Yuristkonsoltı E.Tórievlar elimizde korrupciyaǵa qarsı gúresiw, ashıqlıq hám áshkáralıqtı támiynlewdiń tásirli mexanizmlerin engiziw, xalıqtıń huqıqıy mádeniyatın jetilistiriw, jámiyette korrupciyaǵa tiyisli huqıqbuzarlıqlardıń aldın alıw sheńberinde qabıl etilgen huqıqıy normalar haqqında ilaj qatnasıwshılarına keń túrde túsinikler berdi.

Ilaj sońında korrupciyaǵa qarsı gúresiw, hadallıq hám ashıq-aydınlıq principlerin úgit-násiyatlaw, jámiyette nızamlılıq hám ádillik ortalıǵın bekkemlew jolındaǵı nátiyjeli iskerligi ushın professor-oqıtıwshılardan Islam Abdullaev, Kópbergen Razaqov, Ulbosın Kalilaeva, Dilnur Astanqulova hám Korrupcıyaǵa qarsı gúresiw hám “Komplaens qadaǵalaw” sistemasın basqarıw bólimi qánigesi Manzura Maxammatdinovlar filial tárepinen minnetdarshılıq xatı menen sıylıqlandı.

Filial Baspasóz xızmeti.