Ózbekstan Respublikası Joqarı bilimlendiriw, ilim hám innovaciyalar ministrliginiń 2025-jıl 5-dekabr kúngi 479-sanlı buyrıǵınıń tiyisli bántlerin orınlaw maqsetinde Ózbekstan mámleketlik dene tárbiyası hám sport universiteti Nókis filialında seminar-trening shólkemlestirildi.

Shólkemlestirilgen seminar-treningke direktor orınbasarları, Registrator ofisi baslıǵı, bólim baslıqları, kafedra baslıqları hám professor-oqıtıwshılar qatnastı.

Seminar dawamında kafedra baslıqları hám professor-oqıtıwshılar pán baǵdarlamaları boyınsha pikir-usınısların bildirdi.

Bul seminar-treningler dawamında Top-300 reytingine kiriwshi jetekshi joqarı bilimlendiriw shólkemlerinde qollanılıp atırǵan bilimlendiriw baǵdarlamalarınıń strukturası, oqıw nátiyjelerine tiykarlanǵan rejelestiriw, kompetenciyalıq hám modullik qatnas, pán sillabusların xalıqaralıq standartlarǵa beyimlestiriw hám bahalaw kriteriyaların jetilistiriw máseleleri dodalandı. Sonday-aq, ámeliy sabaqlar procesinde pánlerdiń ámeldegi oqıw baǵdarlamaları xalıqaralıq tájiriybe tiykarında tallanıp, olardı jetilistiriw boyınsha tiyisli usınıslar islep shıǵıldı.

Seminar-trening juwmaǵında professor-oqıtıwshılar tárepinen oqıtılıp atırǵan pánlerdiń oqıw baǵdarlamaların TOP-300 joqarı bilimlendiriw shólkemleriniń bilimlendiriw baǵdarlamaları tiykarında qayta kórip shıǵıw, sillabuslardı jańalaw hám olardı oqıw procesine basqıshpa-basqısh engiziw boyınsha tiyisli ilajlar belgilendi.

Filial Baspasóz xızmeti.