Ózbekstan mámleketlik dene tárbiyası hám sport universiteti Nókis filialınıń 5 studenti Prezident hám ataqlı mámleketlik stipendiyalar tańlawınıń jeńimpazı boldı

Ózbekstan Respublikası Joqarı bilimlendiriw, ilim hám innovaciyalar ministrliginiń 2025-2026-oqıw jılı ushın respublikalıq joqarı oqıw orınlarınıń bakalavriat basqıshı studentlerine Ózbekstan Respublikası Prezidenti hám ataqlı mámleketlik stipendiyaların tayınlaw haqqındaǵı buyrıǵı tiykarında Ózbekstan mámleketlik dene tárbiyası hám sport universiteti Nókis filialınıń 5 studenti mámleketlik stipendiyalar tańlawı jeńimpazı dep tabıldı.

Ózbekstan Respublikası Prezidenti mámleketlik stipendiyasınıń jeńimpazı:

Akmanova Durdona Allayar qızı – “Velosport” tálim baǵdarı 4-kurs studenti;

Ilimiy basshısı “Jeke gúres sport túrleri teoriyası hám metodikası” kafedrası baslıǵı, professorı p.i.b.f.d. (PhD) Toylibaev Sultan Muxidovich.

Islam Karimov atındaǵı mámleketlik stipendiyasınıń jeńimpazı:

Daryabayeva Aynura Joldasbay qızı – “Qol tobı” tálim baǵdarı 4-kurs studenti;

Ilimiy basshısı “Sport oyınları teoriyası hám metodikası” kafedrası docenti Urazbaev Nurbek Jalǵasbay ulı.

Ibrayım Yusupov atındaǵı mámleketlik stipendiyasınıń jeńimpazı:

Baxauatdinova Nargiza Alliyar qızı – “Kórkem gimnastika” tálim baǵdarı 4-kurs studenti;

Ilimiy basshısı “Bilimlendiriw sapasın támiyinlew” bólimi baslıǵı, “Koordinacion hám cikllik sport túrleri teoriyası hám metodikası” kafedrası w.w.a. professorı, b.i.b.f.d. (PhD) Ramazanov Medetbay Baxitbaevich.

Tólepbergen Qayıpbergenov atındaǵı mámleketlik stipendiyasınıń jeńimpazı:

Xojambergenova Miyasar Bakbergen qızı – “Kórkem gimnastika” tálim baǵdarı 3-kurs studenti;

Ilimiy basshısı “Koordinacion hám cikllik sport túrleri teoriyası hám metodikası” kafedrası docenti Djumaniyazova Tamara Adambaevna.

Pahlavon Mahmud atındaǵı mámleketlik stipendiyasınıń jeńimpazı:

Paraxatova Aynura Tengelbay qızı – “Kórkem gimnastika” tálim baǵdarı 3-kurs studenti.

Ilimiy basshısı filial ilimiy keńes xatkeri, “Dene tárbiyası teoriyası, gumanitar hám tábiyiy pánler” kafedrası w.w.a. docenti Kadirov Raxat Sovet ulı.

Mámleketlik stipendiyalar tańlawınıń jeńimpazları bolǵan filialımız studentlerin qutlıqlaymız hám aldaǵı oqıw, ilimiy-izertlew jumıslarında úlken nátiyjelerge erisip júriwin tileymiz.

Maǵlıwmat ornında atap ótiw orınlı, Prezident mámleketlik stipendiyası tańlawında qatnasıp, sáwbet basqıshına usınıs etilmegen studentler rektor tárepinen tastıyıqlanǵan sertifikat hám bazalıq stipendiya muǵdarınıń 3 esesi muǵdarındaǵı bir mártelik aqshalay sıylıq penen sıylıqlanadı.

Sonday-aq, ataqlı mámleketlik stipendiyalar tańlawlarında qatnasıp, jeńimpaz bola almaǵan studentler de sertifikat hám bazalıq stipendiya muǵdarınıń 2 esesi muǵdarındaǵı bir mártelik aqshalay sıylıq penen xoshametlenedi.

Filial Baspasóz xızmeti.