Ózbekstan Respublikası Prezidenti usı jıldıń 24-fevral kúni Kóksaray rezidenciyasında jaslar menen olardıń baslamaların qollap-quwatlaw boyınsha qosımsha imkaniyatlarǵa baǵıshlanǵan sóylesiwinde hár hápteniń piyshembi kúnin «Jaslar kúni» dep belgilegen edi.

Usı tiykarda búgin Ózbekstan mámleketlik dene tárbiyası hám sport universiteti Nókis filialı direktorı, professor B.Erimbetov penen filial studentleri arasında «Direktor hám jaslar» ushırasıwı bolıp ótti.

Ushırasıwda filial direktorı búginge kúnde prezidentimizdiń tikkeley basshılıǵında elimizde ámelge asırılıp atırǵan jaslar siyasatı, jaslardıń hár tárepleme kámil insanlar bolıp jetilisiwi ushın alıp barılıp atırǵan reformalar, olardıń bilim alıwları, turaqlı jumıs orınları menen támiyinlew baǵdarında islenip atırǵan is-ilajlarǵa toqtap ótti.

Bunnan soń filial studentlerine oqıw ornında jaratılǵan imkaniyatlar haqqında aytıp berdi hám hár bir studenttiń oqıw procesi, bántlik máselesi, «Ustaz-shákirt» baǵdarındaǵı usınısların tıńladı.

Filial Baspasóz xızmeti.