Ózbekstan mámleketlik dene tárbiyası hám sport universiteti Nókis filialı direktorı, Professor, pedagogika ilimleri doktorı (DSc) Erimbetov Bayrambay Karlıbaevichtiń

Student-jaslar, professor-oqıtıwshılar, joqarı oqıw orınlarınıń juwapkerleri hám ata-analarǵa

Múrájatnaması

Prezidentimiz Shavkat Mirziyoevtiń Kóksaray rezidenciyasında jaslar menen olardıń baslamaların qollap-quwatlaw boyınsha qosımsha imkaniyatlarǵa baǵıshlanǵan sóylesiwinen kelip shıǵıp múrájat etpekshimen.

Áziz studentler!

Prezidentimiz ushırasıw dawamında sizler ushın júdá úlken imkaniyatlardı sizlerge usındı. Hár bir jas ol student bolama, ónerment bolama, jumısshı-xızmetker bolama, isbilermen yamasa fermer bolama, Prezidentimiz alǵa qoyǵan jeńilliklerden únemli paydalanıwı kerek.

Prezidentimizdiń ushırasıwdaǵı shıǵıp sóylegen sózin tereń úyreniwińiz, talqılawıńız, hár birińiz óz ómirińizde paydalanıwıńız kerek.

Húrmetli, professor-oqıtıwshılar, joqarı oqıw orınlarınıń juwapkerleri!

Hár bir student-jastı óz perzentińizdey kórip, oǵan mehir kórsetiwińiz, turmısta óz ornın tabıwına járdem beriwińiz zárúr.

Prezident ushırasıwda bildirgen pikirlerdi jaslarımızdıń sanasına sińdiriwde hár birińiz jankúyerlik kórsetiwińiz kerek.

Bul, bárinen burın, jaslardıń tálim-tárbiyasına ayrıqsha itibar qaratıwdan baslanadı. Bilim beriwde hadallıq hám ádillik principlerine ámel etiwińiz zárúr. Bul baǵdarda zamanagóy texnologiyalar hám internet imkaniyatınan durıs hám orınlı paydalanıw áhmietli.

Jadid babalarımız óz esabınan mektepler ashqan. Baspaxanalar qurǵan. Kitap, jurnal-gazetalar basıp shıǵarǵan.

Biz balalarımızdı jaqsı oqıtıp, jaqsı tálim-tárbiya berip hám nátiyjeler kórsetiwimiz zárúr.

Qádirli ata-analar!

Prezident siziń balalarıńız ushın sonsha jan kúydirip atırǵan bir waqıtta siz hám biziń biyparıq bolıwǵa haqımız joq. Balalarımızdıń jaqsı oqıwı, óner úyreniwi, isbilermenlik penen shuǵıllanıwı ushın sizde óz úlesińizdi qosıń.

Mektep, texnikum yaki joqarı oqıw ornı bolama, balalarınızdıń oqıwın baqlań. Olardı sabaqtan tısqarı waqıtlarda neler menen bánt ekenligine qızıǵıń.

Professor-oqıtıwshılar menen tıǵız baylanısta bolıń. Balańızda bolıp atırǵan hár qanday psixologiyalıq ózgerislerge biypárwa bolmań. Prezident jaratıp bergen sharayatlardan perzentińiz durıs paydalana alsa, erteń tek ǵana óziniń emes, al pútkil shańaraqtıń táǵdirin ózgertip jiberedi.

Ata-ana hám bilimlendiriw dárgayı túsiniginen, bárinen burın, siz mápdar ekenińizdi umıtpań! Keleshekte olardı ana-Watan, milletti húrmetlew ruwxında tárbiyalawǵa juwapker ekenińizdi ayrıqsha atap ótiwdi qáleymen.

Jaslardıń sanasın hár qıylı jat illetlerden qorǵawda, ata-ana, bilimlendiriw mákemesi, máhálle koncepciyasına ámel etiwde siziń járdemińizge súyenemiz!