Ózbekstan mámleketlik dene tárbiyası hám sport univesiteti Nókis filialında “Jaslar kúni” sheńberinde “Direktor hám jaslar” ushırasıwı shólkemlestirildi. Onda filial direktorı, professor Bayrambay Erimbetov student-jaslar menen ashıqtan-ashıq pikirlesti.

Ushırasıwda bilimlendiriw sistemasındaǵı jańalanıwlar, joqarı bilimlendiriw orınlarında sapa kórsetkishlerin arttırıw hám kadrlardı zaman talaplarına say tayarlaw máseleleri dodalandı. Sonıń menen birge studentlerdiń bilim alıw procesindegi belsendiligi, erkin pikirlewi hám kásiplik rawajlanıwına ayrıqsha itibar qaratıw zárúr ekenligi atap ótildi. Sonday-aq, pitiriwshi kurs studentlerin Qaraqalpaqstan Respublikası Sport ministrligine qaraslı sport mekteplerindegi bos jumıs orınları menen tanıstırdı hám jumıs islewdi qálewshi pitiriwshi kurs studentlerin jumıs islewge shaqırdı.

“Direktor hám jaslar” ushırasıwı dawamında studentler ózleriniń pikir-usınısların bildirdi hám qızıqtırǵan sorawlarına juwap alıw imkaniyatına iye boldı.

Filial Baspasóz xızmeti.