Prezidentimizdiń elimiz jasları menen bolıp ótken ushırasıwında hár hápteniń piyshembi kúni ministrlik, mákeme, shólkemler hám hákimliklerde «Jaslar kúni» bolıwı belgilengen edi.

Búgin 16-aprel kúni Ózbekstan mámleketlik dene tárbiyası hám sport univesiteti Nókis filialında “Jaslar kúni” sheńberinde “Direktor hám jaslar” ushırasıwı shólkemlestirildi. Onda filial direktorı, professor B.Erimbetov student-jaslar menen ashıqtan-ashıq pikirlesti.

Onda filial direktor elimizde jaslar ushın jaratılıp atırǵan imkaniyatlar, jas sportshılardı xalıqaralıq sport jarıslarına tayarlaw, magistraturada oqıtıw hám hár bir pitkeriwshiniń turaqlı jumıs orınları menen bántligin támiyinlew baǵdarında islenip atırǵan jumıslar haqqında student-jaslarǵa keń túrde maǵlıwmat berip ótildi.

Ushırasıw barısında studentler ózlerin qızıqtırǵan sorawlarına juwaplar aldı.

Filial Baspasóz xızmeti.