Ózbekstan mámleketlik dene tárbiyası hám sport universiteti Nókis filialında studentlerdiń kiber jınayatlardıń qurbanları bolıwınıń aldın alıwǵa qaratılǵan ilaj bolıp ótti.

Ilajda Sanlı tálim texnologiyalar orayı baslıǵı A.Amaniyazov filial studentlerine ekonomikalıq bilimlerdi bekkemlew, olardı finanslıq huqıqbuzarlıqlar, jasırın ekonomikaǵa qarsı gúresiw, finanslıq qáwipsizlikti támiyinlew, jasalma intellekt imkaniyatları járdeminde finanslıq aldawshılıq qurbanı bolıw jaǵdaylarınıń aldın alıw boyınsha túsinikler berip ótti.

Bul baǵdarda studentler ózlerin qızıqtırǵan sorawlarına juwap aldı.

Ámeliyatshı Dilnoza Karamatdinova.