Búgin Ózbekstan mámleketlik dene tárbiyası hám sport universiteti Nókis filialında «Haq jol sizge pitkeriwshi» atamasında pitkeriwshilerge diplom tapsırıw keshesi bolıp ótti.

Saltanatlı túrde diplom tapsırıw keshesin filial direktorınıń Jaslar máseleleri, ruwxıylıq hám aǵartıwshılıq isleri boyınsha birinshi orınbasarı Gulmurat Xojametov kiris sóz benen ashıp berdi hám pitkeriwshilerge bálent párwaz hám haq jol tilep hár bir pitkeriwshi ustazlarınan alǵan bilimlerine súyengen halda ózileriniń iyelegen qánigelikleri boyınsha jetik kadrlar bolıp jetilisiwlerine isenim bildirdi.

Bunan soń sózge shıqqan professor-oqıtıwshılar pitkeriwshilerge ózleriniń jaqsı tileklerin bildirdi.

Sonday-aq, saltanatlı diplom tapsırıw keshesine qalamızdaǵı isbilermenlerde qatnastı hám olar pitkeriwshilerdi ózlerinde bar jumıs orınlarına mirát etti.

Onnan soń pitkeriwshilerdiń ata-anaları, studentlerdiń ózleri tórt jıl dawamında bilim bergen professor-oqıtıwshılarına ózleriniń minnetdarshılıqların bildirdi. Soń pitkeriwshilerge saltanatlı túrde diplomların tapsırdı.

Maǵlıwmat ornında usı jılı Ózbekstan mámleketlik dene tárbiyası hám sport universiteti Nókis filialın 221 student tabıslı pitkerip shıqtı. Olar arasında Prezident hám ataqlı mámleketlik stipendiyalardıńda iyeleride bar.

Filial Baspasóz xızmeti.