Ózbekstan mámleketlik dene tárbiyası hám sport universiteti Nókis filialına 2026-2027-oqıw jılı ushın hújjet tapsırǵan abiturientler usı jıldıń 10-iyul sánesinen sport iskerligi (iskerlik túrleri boyınsha) kásiplik (dóretiwshilik) imtixanların belgilengen keste tiykarında tapsırıp baslaǵan edi.

Búgin orınlarda ótkerilip atırǵan kásiplik (dóretiwshilik) imtixanlardıń ashıqlıq hám áshkaralıq principleri tiykarında ótkerilip atırǵanlıǵı menen keń jámiyetshilik wákillerin jaqınnan tanıstırıw maqsetinde ǵalaba xabar quralları wákilleri hám blogerler qatnasında media tur shólkemlestirildi.

Ótkerilgen media tur sheńberinde jurnalist hám blogerler kásiplik (dóretiwshilik) imtixanlardıń barısı menen jaqınnan tanıstı.

Sonday-aq, olarǵa joqarı bilimlendiriw mákemelerine qabıllawdaǵı ózgerisler hám filialdaǵı qánigelikler haqqında maǵlıwmatlar berildi.

Filial Baspasóz xızmeti.