20 mıń dollarǵa shekem tálim krediti: sırt elde oqıw imkaniyatları keńeymekte

Dúnyanıń eń abıraylı universitetlerinde bilim alıwdı rejelestirip atırǵan jaslar hám pedagoglar ushın jańa imkaniyat!

2026/2027-oqıw jılınan baslap Ózbekstan Respublikası puqaraları bolǵan jaslar hám pedagog xızmetkerlerdi xalıqaralıq reytinglerdiń QS yamasa THE TOP-300 dizimine kiretuǵın sırt el joqarı bilimlendiriw mákemelerinde oqıwın finanslıq qollap-quwatlawdıń jańa mexanizmi engizildi.

️Jańa tártipke bola, bakalavriat hám magistratura basqıshlarında bilim alıw ushın;

️Bir oqıw jılına 20 000 AQSh dollarına shekem ekvivalent muǵdarda milliy valyutada tálim krediti ajıratıladı.

Kredittiń tiykarǵı qarızı oqıwdıń rásmiy múddeti tamamlanǵanınan keyin 7 aydan keyin baslanıp, 7 jıl dawamında qaytarıladı.

✓ Kredit alıwshı bankke múrájat etiwde tómendegi hújjetlerdi usınadı:

▫️ arza;

▫️ shaxstı tastıyıqlawshı hújjetlerdiń nusqası;

▫️ mirátnama-xat (1-kurslar ushın);

▫️ akademiyalıq ózlestiriw nátiyjeleri (2-kurstan baslap);

▫️ tólemli-kontrakt tiykarında oqıw boyınsha shártnama hámde joqarı bilimlendiriw shólkeminiń bank rekvizitleri kórsetilgen invoys;

▫️ birgelikte qarız alıwshılardıń sońǵı 12 aylıq dáramatları boyınsha maǵlıwmat;

▫️ miynet dáptershesinen kóshirme (30 jastan asqan pedagoglar ushın).

️Kredit boyınsha procent stavkası Oraylıq banktiń tiykarǵı stavkası muǵdarında belgilenedi.

Bul mexanizm qábiletli jaslar hám pedagoglar ushın dúnyanıń jetekshi universitetlerinde sapalı bilim alıw imkaniyatların jáne de keńeytedi hám básekige shıdamlı kadrlardı tayarlawǵa xızmet etedi.

Filial Baspasóz xızmeti.