Oraylıq “Turan” stadionında futbol oyınların zamanagóy talaplar tiykarında ótkeriw maqsetinde VAR – tóreshiler qararların videojazıw arqalı qayta kórip shıǵıw sisteması ornatıldı.

Bul texnologiya tartıslı jaǵdaylardı anıqlaw, tóreshiler qararlarınıń anıqlıǵı hám ádilligin támiyinlewge xızmet etedi. VAR sistemasınıń iske túsiriliwi stadion infrastrukturasın zamanagóy standartlar tiykarında rawajlandırıw jolındaǵı áhmiyetli qádemlerden biri bolıp esaplanadı.

Endi Oraylıq “Turan” stadionında ótkeriletuǵın futbol oyınlarında zamanagóy texnologiyalardan nátiyjeli paydalanıw imkaniyatı jáne de keńeyedi.

©️Qaraqalpaqstan Respublikası Joqarǵı Keńesiniń Málimleme xızmeti.