Búgin, 28-avgust kúni Ózbekstan mámleketlik dene tárbiyası hám sport universiteti Nókis filialında Ózbekstan Respublikası mámleketlik Ǵárezsizliginiń 35 jıllıǵı múnásibeti menen professor-oqıtıwshılar hám tyutorlardıń qatnasıwında ǵárezsizliktiń tariyxıy áhmietin ańlaw, watansúyiwshilik sezimlerin joqarılatıwǵa qaratılǵan “Ǵárezsizlik saatı” oqıw-seminarı ótkerildi.

Ilajda elimiz ǵárezsizliginiń mazmun-mánisi, xalqımız turmısındaǵı sheksiz ornı hám ǵárezsizlik jıllarında elimiz basıp ótken maqtanıshlı jol haqqında sóz etildi. Sonday-aq, Ǵárezsizliktiń 35 jılı dawamında barlıq tarawlarda, sonıń ishinde, joqarı bilimlendiriw sistemasında ámelge asırılǵan keń kólemli reformalar, erisilgen úlken jetiskenlikler hám dóretiwshilik jumıslar ayrıqsha atap ótildi.

Elimiz ǵárezsizligi, tınıshlıǵı hám abadanlıǵı jolında ámelge asırılıp atırǵan iygilikli isler dawamlı bolsın!

 Filial Baspasóz xızmeti.