Búgin, 7-centyabr kúni Ózbekstan mámleketlik dene tárbiyası hám sport universiteti Nókis filialında «Bir Watan, bir xalıq bolıp, jańa turmıs hám keleshek quramız!» súreni astında 2026/2027-oqıw jılınıń baslanıwına baǵıshlanǵan saltanatlı ilaj bolıp ótti. Oǵan professor-oqıtıwshıları, 1-kursqa studentlikke qabıl etilgen studentler hám olardıń ata-anaları qatnastı.

Ilaj Ózbekstan Respublikası hám Qaraqalpaqstan Respublikası mámleketlik gimnleri menen baslandı.

Soń filial direktorı, professor B.Erimbetov kiris sóz benen ashıp berdi hám bárshe jıynalǵanlardı Ózbekstan Respublikası Ǵárezsizliginiń 35 jıllıǵı hám jańa oqıw jılınıń baslanıwı menen qızǵın qutlıqladı.

Bunnan soń Qaraqalpaqstan Respublikası Sport ministri E.Qutıbaev, Ózbekstan mámleketlik dene tárbiyası hám sport universiteti Oqıw isleri boyınsha prorektor E.Raxmanovlar sózge shıqtı hám olar sońǵı jılları joqarı bilimlendiriw, sport tarawında jaratılıp atır sharayatlar, erisilip atırǵan jetiskenlikler haqqında toqtap ótti hám bárshe jıynalǵanlardı elimiz Ǵárezsizliginiń 35 jıllıǵı hám jańa oqıw jılınıń baslanıwı menen qızǵın qutlıqladı.

Bárshe professor-oqıtıwshılarǵa hám studentlerge jańa oqıw jılında tasqın tabıslar tiledi.

Filial baspasóz xızmeti.