Qalamızdaǵı «Doslıq» kanalı boyında xalıqtıń bántligin támiyinlew, kámbaǵallıqtı qısqartıw, sociallıq qorǵawǵa mútáj shańaraqlardıń wákilleri, ásirese, hayal-qızlar, jaslardıń isbilermenlik baslamaların xoshametlewge baǵıshlanǵan iri miynet hám isbilermenlik yarmarkası shólkemlestirilgen edi.

Kishi isbilermenlik jumısın jolǵa qoyıw ushın arnalǵan miynet quralları yarmarkasında Ózbekstan mámleketlik dene tárbiyası hám sport universiteti Nókis filialı jámááti aǵzaları hám student-jaslarıda zárúr bolǵan zamanagóy ásbap-úskeneler hám miynet qurallarınıń imkaniyatları, kommerciyalıq banklerdiń qánigeleri tárepinen jeńilletilgen kreditler ajıratıw hám mámleketlik subsidiyalardı alıw tártibi menen jaqınnan tanısıw imkaniyatına iye boldı.

Bos jumıs orınları miynet yarmarkasında filial studentleride miynet bazarındaǵı bar bos jumıs orınları hám taraw qánigelerinen zárúr usınıs hám másláhátler alındı.

Filial Baspasóz xızmeti.