Ózbekstan mámleketlik dene tárbiyası hám sport universiteti Nókis filialında 1-kursqa qabıl etilgen studentler hám filialdıń jumısına baǵıshlanǵan baspasóz ánjumanı bolıp ótti. Onda ǵalaba xabar qurallarınıń wákilleri qatnastı.

Baspasóz ánjumanında filial direktorı, professor B.Erimbetov shıǵıp sóylep, 2026/2027-oqıw jılında 1-kursqa qabıl etilgen studentler, bilimlendiriw procesin shólkemlestiriw, filialdıń materiallıq-texnikalıq bazası, professor-oqıtıwshılar quramı hám sport tarawında ámelge asırılıp atırǵan jumıslar haqqında maǵlıwmat berdi.

Sonday-aq, ilaj dawamında filialdıń búgingi jumısı, erisilip atırǵan nátiyjeler hám keleshektegi wazıypalar boyınsha ǴXQ wákilleriniń sorawlarına juwaplar berildi.

Baspasóz ánjumanı ashıq sóylesiw hám pikir alısıw ruwxında ótti.

Filial Baspasóz xızmeti.