Ózbekstan mámleketlik dene tárbiyası hám sport universiteti Nókis filialı tyutorları tárepinen ijara úylerinde jasap atırǵan studentlerdiń jasaw sharayatları úyrenilip, olardıń halınan xabar alındı.

Onda tyutorlar studentlerge úy iyeleri menen óz-ara húrmet hám jaqsı múnásibette bolıw, sabaqlarǵa óz waqtında qatnasıw, universitettiń ishki tártip-qaǵıydalarına boysınıw, tazalıq hám tártipti saqlaw, órt qáwipsizligi qaǵıydalarına ámel etiw, elektr úskeneleri hám ısıtıw qurılmalarınan qáwipsiz paydalanıw boyınsha úgit-násiyat jumısların alıp bardı.

Bunday ushırasıw hám úyreniwler studentlerdiń jasaw sharayatların jaqsılaw, olardı hár tárepleme qollap-quwatlaw hám bilim alıwı ushın qolaylı ortalıq jaratıwǵa xızmet etedi.

Filial tyutorları tárepinen ijarada jasap atırǵan studentlerdiń halınan xabar alıw hám olardıń mashqalaların úyreniw jumısları dawam etpekte.

Filial baspasóz xızmeti.