Ózbekstan mámleketlik dene tárbiya hám sport universiteti Nókis filialı Málimleme-resurs orayında kitapqumarlar dógeriginiń “Bir ayda 10 kitap, bir jılda 100 kitap penen doslastım” joybarı tiykarında náwbettegi ushırasıw keshesi ótkerildi.

Ushırasıw keshesinde shayır, Ózbekstan hám Qaraqalpaqstan Jazıwshılar awqamı aǵzası, Málimleme-resurs orayı qánigesi Baxıtlı Sarıbaev tárepinen Ózbekstan Qaharmanı, Ózbekstan hám Qaraqalpaqstan xalıq jazıwshısı T.Qayıpbergenovtıń “Muǵallimge raxmet” povestiniń ideyalıq mazmunı hám obrazlar dúnyası student jaslarǵa keńnen túsindirildi.

Ushırasıw keshesi dawamında jazıwshı dóretiwshiligi boyınsha soraw-juwaplar ótkerildi.

Filial Baspasóz xızmeti.