Ózbekstan mámleketlik dene tárbiyası hám sport universiteti Nókis filialında islewshi tyutorlardıń iskerligin elede jetilistiriw, aldınǵı tájriybelerin en jaydırıw ham studentler menen islesiw nátiyjeliligin arttırıw maqsetinde «Eń úlgili tyutor» tańlawın járiyalaydı.

Tańlawdı ótkeriw waqtı, bolıp ótetin ornı hám maqseti;

– 2026-jıl 12-noyabr kúni saat 15:00 de filial májilisler zalı;

– óz kásibine pidayı, juwapkershilikli, miynetkesh hám liderlik qábiletine iye tyutorlardı anıqlaw hám olardıń jumısın belgilengen normativlik ólshemler tiykarında bahalaw;

– tyutorlıq jumısın rawajlandırıwǵa qaratılǵan zamanagóy pedagogikalıq, psixologiyalıq hám shólkemlestiriwshilik usıllardı ámeliyatqa engiziw;

– tyutorlardıń kitapqumarlıq, liderlik hám úgit-násiyatlaw baǵdarındaǵı jumısın bahalaw hám olardı xoshametlew.

Jeńimpazlar tómendegi nominaciyalar boyınsha anıqlanadı;

– eń belsendi úgit-násiyatshı tyutor,

– eń belsendi kitapqumar tyutor,

– eń belsendi lider tyutor”

Jeńimpaz bolǵan qatnasıwshılar filial direktorı tárepinen Diplom hám estelik sawǵaları menen sıylıqlanadı.

Filial baspasóz xızmeti.