Ózbekstan mámleketlik dene tárbiyası hám sport universiteti Nókis filialında student-qızlardıń salamatlıǵın qorǵaw, erte nekeniń alıw hám reproduktivlik salamatlıq boyınsha bilimlerin arttırıw maqsetinde Respublikalıq jas óspirimler dispanseri shıpakerleriniń qatnasında ushırasıw boldı.

Ilajdı hayal-qızlar máseleleri boyınsha direktor másláhátshisi U.Kallilaeva alıp bardı.

Ushırasıwda shıpakerler student qızlarǵa erte nekeniń aldın alıw, onıń organizim ushın keri tásirleri, salamat turmıs tárizine ámel etiw, jeke gigienaǵa itibar qaratıw, turaqlı medicinalıq tekseriwlerden ótiw, AIV infekciyası hám juqpalı keselliklerden qorǵanıw ilajları boyınsha túsinikler berip ótti.

Ilaj qatnasıwshıları bul baǵdarda ózlerin qızıqtırǵan sorawlarına shıpakerlerden juwaplar aldı.

Filial baspasóz xızmeti.