Ózbekstan mámleketlik dene tárbiyası hám sport universiteti Nókis filialı Málimleme-resurs orayında kitapqumarlıq dógeregi aǵzaları qatnasıwında “Jadidler izinen” tańlawıńıń 3-tur basqıshı bolıp ótti.

Tańlaw qatnasıwshıları xalqımızdıń ruwxıy turmısında tereń iz qaldırǵan jadid aǵartıwshılarınıń ómiri hám dóretiwshiligi boyınsha bilimlerin sınnan ótkerip, óz-ara bellesti.

Ushırasıwda qatnasıwshılar óz pikirleri menen bólisip, berilgen sorawlarǵa juwap berdi hám jadid babalarımızdıń aǵartıwshılıq, milliy oyanıw hám bilimlendiriw jolındaǵı miyrasına baylanıslı pikir almasıwlar alıp bardı.

Filial baspasóz xızmeti.