Studentler «Zakawat»ta kúsh sınastı

Búgin Ózbekstan mámleketlik dene tárbiyası hám sport universiteti Nókis filialı studentleriniń oqıwdan bos waqıtların mazmunlı ótkeriw hám olardıń bilimlerin sınaqtan ótkeriw maqsetinde filial tyutorları tárepinen «Zakawat» intellektual oyını ótkerildi.

Onda filialda bilim alıp atırǵan studentler arasınan altı komanda dúzildi hám olar óz-ara ortaǵa taslanǵan sorawlar tiykarında ózleriniń bilimlerin sınaqtan ótkerdi.

Qızǵın bellesiwlerge bay tárizde bolıp ótken jarıs juwmaģında jeńimpaz komandalar anıqlandı hám olar filial tárepinen Diplom menen sıylıqlandı.

Filial Baspasóz xızmeti.