Rektor xızmet saparı menen universitettiń Nókis filialına keldi

Ózbekstan mámleketlik dene tárbiyası hám sport universiteti rektorı Rashid Matkarimov basshılıǵında isshi topar universitettiń Nókis filialına keldi.

Rektor xızmet saparın isshi topar aǵzaları menen birgelikte Ózbekstan mámleketlik dene tárbiyası hám sport universiteti Nókis filialı direktorı, direktor orınbasarları, «Registrator ofisi» baslıǵı, bólim baslıqları hám kafedra baslıqları qatnasında jıynalıs ótkeriwden basladı.

Onda rektor búgingi kúnde filialdıń erisip atırǵan jetiskenliklerin ayrıqsha atap ótti.

Soń oqıw ornında tálim sıpatın ele de jaqsılaw, studentlerdiń bilim alıwları ushın barlıq sharayatlardı jaratıw, finanıslıq jaǵdayın jaqsılaw, ilimiy potencialın kóteriw baǵdarınada islenip atırǵan jumıslarǵada ayrıqsha itibar qarattı hám filial basshılıǵına kórsetpeler berdi.

Bunnan soń rektor sabaq barısı menen jaqınnan tanıstı. Tanısıw barısında studentler menen sáwbetlesti hám olarǵa elimizde joqarı bilimlendiriw sistemasındaǵı alǵa ilgerlewler, ásirese, sportshılarǵa jaratılıp atırǵan imkaniyatlar haqqında toqtalıp ótti.

Filial baspasóz xızmeti.