Ózbekstan mámleketlik dene tarbiyası hám sport universiteti Nókis filialında Oraylıq Aziya mámleketleri federaciyası Bas xatkeri,  Ózbekstan basketbol federaciyası Bas xatkeri,  Xalıqaralıq dárejedegi tóreshi, Ózbekstan saylandı komandası sardarı bolǵan Ganiev Ravshan Mumindjonovich filialda miymanda boldı hám filialdıń basketbol qánigeligi studentleri menen ushırastı.

Ushırasıwǵa “Sport túrleri” fakulteti dekanı R.Shaniyazov, professor-oqıtıwshılar Aziz Avezbaev, Nawbaxar Palwaniyazovalar qatnastı. Ushırasıw barısında Ganiev Ravshan Mumindjonovich Ózbekstan basketbolınıń rawajlanıw strategiyası haqqında, FIBA 3×3 (Streetball) boyınsha búgingi kúnde tez pat penen rawajlanıp baratırǵanın aytıp ótti.

Student jaslarǵa keleshekte basketbolda ózin-ózi qárejet penen támiyinlew hám marketing haqqında ayrıqsha aytıp ótti.

Ushırasıw juwmaǵında Ganiev Ravshan Mumindjonovich studentlerdiń qızıqtırǵan sawallarına juwaplar aldı hám estelik ushın studentler menen suwretke tústi.

T.Mambetjumaev,

Sport oyınları kafedrası baslıǵı.