3-dekabr – Xalıqaralıq mayıplar kúni múnásibeti menen imkaniyatı sheklengen insanlar ushın Nókis qalasındaǵı «Altın saray» restoranında dasturxan jayılıp, saltanatlı ilaj ótkerildi.

Bolıp ótken ilajǵa Ózbekstan mámleketlik dene tárbiyası hám sport universiteti Nókis filialınıń Sport túrleri fakultetiniń «Eskek esiw» baǵdarınıń 1-kurs studenti Jarqınay Murtazaevada mirát etildi hám shólkemlestiriwshiler tárepinen jayılǵan dasturxan átirapında bir kesa chay ústinde kórkem-óner ǵayratkerleri tárepinen tayarlanǵan koncert baǵdarlamasın tamashalap kewilli dem aldı.

Ilaj barısında imkaniyatı sheklengenligine qaramastan óz aldılarına úlken maqsetlerdi qoyıp, joqarı oqıw orınlarına kirip, jaqsı oqıp atırǵan bir qatar student-jaslar qatarında filialımızda bilim alıp atırǵan Jarqınay Murtazaevada Qaraqalpaqstan Respublikası Joqarǵı Keńesi hám Ministrler Keńesi atınan tayarlanǵan qımbat bahalı sawǵa menen sıylıqlandı.

Sáne múnásibeti menen kórsetilip atırǵan usınday itibar ushın filialımız atınan shólkemlestiriwshilerge sheksiz minnetdarshılıǵımızdı bildiremiz.

Filial Baspasóz xızmeti.