Filialda 4-dekabr kúni «Salamat turmıs tárizin en jaydırıwda dene tárbiyası hám sporttıń ornı» atamasında respublikalıq ilimiy-ámeliy konferenciya shólkemlestirildi. Ilajdı filial direktorınıń ilimiy isler hám innovaciyalar boyınsha orınbasarı M.Aytımbetov ashtı hám basqarıp bardı.

Bul konferenciyanı ótkeriwden tiykarǵı maqset dene tárbiyası hám sporttı keń en jaydırıw arqalı zıyanlı ádetlerge qarsı immunitetti qáliplestiriw hám rawajlandırıwǵa baǵdarlanǵan ilimiy tiykarlanǵan juwmaq hám usınıslardı islep shıǵıwdan ibarat.

Respublikalıq konferenciyaǵa respublikamızdaǵı joqarı oqıw orınlarınıń professor-oqıtıwshıları, izleniwshiler, magistrantlar, studentler, pedagog kadrlardı qayta tayarlaw hám mamanlıǵın jetilistiriw hám ilimiy oraylarınan qánigeler qatnasıp, dene tárbiyası hám sport tarawınıń áhmiyetli máseleleri, tálim-tárbiya tarawınıń sońǵı jetiskenlikleri boyınsha tájiriybe almasıw bolıp esaplanadı.

Konferenciyada professor-oqıtıwshılar, taraw qánigeleri, jas ilimpazlar hám student jaslar tárepinen dene tárbiyası hám sport arqalı salamat turmıs tárizin en jaydırıwdıń teoriyalıq tiykarları, zıyanlı ádetlerge qarsı gúresiwdiń ilimiy-pedagogikalıq baǵdarları hám elimizde hár tárepleme rawajlanǵan áwladtı tárbiyalawda dene tárbiyası hám sporttıń áhmiyeti baǵdarlarında tayarlaǵan ilimiy materialları menen qatnasıp, ózleriniń pikir hám usınısların bildirip ótti.

Konferenciya jumısı sekciyalarǵa bólinip dawam etti.

Filial Baspasóz xızmeti.