Ózbekstan mámleketlik dene tárbiyası hám sport universiteti Nókis filialında bilim alıp atırǵan student jaslardıń ata-anaları menen ushırasıw bolıp ótti.

Ushırasıwǵa filialda bilim alıp atırǵan student jaslardıń ata-anaları, professor-oqıtıwshılar hám tyutorlar qatnastı.

Filial administraciyası tárepinen shólkemlestirilgen ata-analar ushırasıwın filialdıń Sport túrleri fakulteti dekanı R.Shaniyazov ashtı hám bul ushırasıwdı ótkeriwden tiykarǵı maqsetine toqtap ótti.

Onnan soń Oqıw isleri boyınsha direktor orınbasarı B.Utemuratov sózge shıǵıp ol óz sózinde studentlerdiń ata-analarına joqarı oqıw orınlarınıń oqıw baǵdarlamasına engizilip atırǵan ózgerisler haqqında maǵlıwmatlar berip ótti.

Bunnan soń filial direktorınıń hayal-qızlar máseleleri boyınsha B.Allambergenova hám Jaslar menen islesiw, ruwxıylıq hám aǵartıwshılıq bólimi baslıǵı B.Sabirovlar sózge shıǵıp olar óz sózlerinde búgingi kúnde filialımızda tálim alıp atırǵan studentlerdiń tártibi, sabaqqa qatnası, sabaqlardı ózlestiriw barısı, studentlerdiń keleshekte jetik maman kadrlar bolıp jetilisiwleri ushın oqıw ornında jaratılǵan imkaniyatlar haqqında keń túrde maǵlıwmatlar berip ótti.

Ata-analar ózlerin qızıqtırǵan sorawlarına juwaplar aldı hám usınday ushırasıwdı shólkemlestirip atırǵan filial basshılarına óz minnetdarshılıqların bildirdi.

Filial Baspasóz xızmeti.