Berdaq atındaǵı Qaraqalpaq mámleketlik akademiyalıq muzıkalı teatrında «Xoshamet-2021» jıldıń eń belsendilerin sıylıqlaw saltanatı bolıp ótti.

Kúndelikli turmısımızda túrli tarawlarda pidayılıq kórsetip kiyatırǵan jaslar, sonıń menen birge, jaslarǵa baylanıslı mámleketlik siyasattı ámelge asırıwda órnek bolıp kiyatırǵan mámleketlik hám jámiyetlik basqarıw uyımlarınıń wákilleri 20 nominaciya boyınsha «Xoshamet – 2021» sıylıǵı menen sıylıqlanǵanlar arasında Ózbekstan mámleketlik dene tárbiyası hám sport universiteti Nókis filialı Psixologiya (sport) baǵdarınıń 2-kurs studenti, qılıshpazlıq sport túri boyınsha Ózbekstan Respublikası saylandı komandası tiykarǵı quramı aǵzası, 2020-jıldan Xalıqaralıq dárejedegi sport sheberi, “Shuxrat”, “Jasorat” medalı hám “Qaraqalpaqstan Respublikasında xızmet kórsetken sportshı” mámleketlik ataǵınıń iyesi. Yaponiya mámleketiniń Tokio qalasında ótkerilgen XXXII Jazǵı Olimpiada oyınlarında qatnasıp kúshli segizlikten orın alǵan Zaynab Dayıbekova «Jıldıń eń jaqsı jas sportshısı» nominaciyası menen sıylıqlandı. 

Nominaciya iyeleri shólkemlestiriwshiler tárepinen tayarlanǵan diplom hám bahalı sawǵalar menen sıylıqlandı.

Filial Baspasóz xızmeti.