«Ózbekstan jaslar forumı-2021» hápteligi sheńberinde Ózbekstan mámleketlik dene tárbiyası hám sport universiteti Nókis filialında tálim alıp atırǵan student jaslar arasında «Direktor kubogi» ushın «Quwnaqlar hám ziyrekler» tańlawı bolıp ótti.

Komandalar 1-shártte teatrlastırılǵan kórinisleri arqalı ózleri tańlaǵan kásibin táriyplewine qarap, 2-shártte izbe-izlik penen bes házildi tamashagóylerge jetkerip bere alıwı sheberligine qarap hám 3-shártte jaslar jámiyetlik orınlarda ózin tuta biliwi, sóylesiw, kiyiniw, kóshede júriw mádeniyatı haqqında jaslarǵa úlgi bolıwı, doslıqtı, muxabbattı, jaslıq dáwirdi ulıǵlawı hám studentler arasında ushırasıp atırǵan ayırım jaman illetlerdi sınǵa alıwshı qosıqlar arqalı jetkerip beriw sheberliklerine qarap tóreshiler quramı tárepinen bahalap barıldı.

Yumor, satiralıq kórinislerge bay tárizde bolıp ótken «Quwnaqlar hám ziyrekler» tańlawında 1-orın dzyudo qánigeliginiń «Jıltır kóylek» komandası jeńip alıp «Direktor kubogi» alıwǵa miyasar boldı.

Sonday-aq, 2-orın psixologiya qánigeliginiń «Abıyǵa-Babıy» komandasına, 3-orın psixologiya qánigeliginiń «Shoq qızlar» hám boks qánigeliginiń «Yumorboks» komandalarına nesip etti.

Filial Baspasóz xızmeti.