Ózbekstan Respublikası Prezidentiniń 2020-jıl 24-yanvar kúngi «Ózbekstan Respublikasında dene tárbiyası hám sporttı jánede jetilistiriw hám ǵalabalıǵına erisiw boyınsha is-ilájları haqqında»ǵı hám 2020-jıl 30-oktyabr kúngi «Salamat turmıs tárizin keń en jaydırıw hám ǵalabalıq sporttı jánede rawajlandırıw is-ilájları haqqında»ǵı Pármanlarınıń orınlanıwın támiyinlew, Respublikamızda Badminton sport túrin rawajlandırıw, dene tárbiyası hám sporttı keń úgit-násiyatlaw arqalı insanlarda zıyanlı ádetlerge qarsı immunitetti qáliplestiriw, joqarı oqıw orınlarında tálim alıp atırǵan studentlerdiń qısqı dem alıs kúnlerinde professor-oqıtıwshılardıń sport sheberligin jetilistiriw maqsetinde Ózbekstan mámleketlik dene tárbiyası hám sport universiteti Nókis filialı basshıları, professor-oqıtıwshıları hám texnik xızmetkerleri arasında usı jıldıń 7-yanvar kúni sporttın Badminton túrinen jarıs bolıp ótti.

Jarıs xalıqaralıq Badminton federaciyası qaǵıydalarına muwapıq alıp barıladı. Sonday-aq, Qaraqalpaqstan Respubliksı Badminton federaciyası tárepinen usınılǵan hám Ózbekstan mámleketlik dene tárbiyası hám sport universiteti Nókis filialı tárepinen tastıyıqlanǵan tóreshiler quramı tárepinen bahalap barıldı.

Qızǵın bellesiwlerge bay tárizde bolıp ótken jarıs juwmaǵında “Sport oyınları” kafedrası professor-oqıtıwshıları I-II-III orınlardı iyeledi.

Soń jeńimpaz bolǵan jarıs qatnasıwshıları Ózbekstan mámleketlik dene tárbiyası hám sport universiteti Nókis filialı «Aral» sport klubı tárepinen tayarlanǵan diplom hám estelik sawǵaları menen sıylıqlandı.

Filial Baspasóz xızmeti.