Ózbekstan mámleketlik dene tárbiyası hám sport universiteti Nókis filialı Hayal-qızlar máseleleri boyınsha keńesi baslıǵı, direktor másláhátshısı Allambergenova Baxargul Kudaybergenovna allambergenovabaxar@mail.ru Telefon: (+99890) 727-56-74

Ózbekstan mámleketlik dene tárbiyası hám sport universiteti Nókis filialı hayal-qızlar máseleleri boyınsha keńesi 2019-jıldan baslap oz jumısın alıp barmaqta.

Filialdıń hayal-qızlar máseleleri boyınsha keńesi qasında «Qızlarjan» klubı, «Lider qızlar» klubı, «Kabiletli qızlar» dógeregi shólkemlestirilgen.

Filialdıń hayal-qızlar máseleleri boyınsha keńesi baslıǵı hám orınbasarları baslanǵısh shólkem aǵzaları arasınan saylanadı hám óz jumısın jámiyetlik baslamada alıp baradı.

Baslanǵısh shólkemniń jumıs alıp barıwına huqıqıy tiykar bolıp Ózbekstan Respublikası joqarı bilimlendiriy, ilim hám innovaciyalar ministrligi buyrıǵı menen tastıyıqlanǵan «Hayal-qızlar máseleleri boyınsha keńesi haqqında»ǵı nızamı esaplanadı (2023.17.07. 311-san b).

1.Baslanǵısh hayal-qızlar máseleleri boyınsha keńesiniń waziypaları tómendegiler:

Hayal-qızlardıń jámiyette siyasiy, ekonomikalıq, sociallıq tarawlardaǵı wazıypaların sheshiwdegi belsendiligin kúsheytiw. Hayal-qızlardı hár tárepleme qollap-quwatlaw, olardıń sociallıq-ekonomikalıq jaǵdayın jaqsılaw, huqıq hám máplerin qorǵaw. Milliy hám ruwxıy qádiriyatlarımızǵa tiykarlanǵan halda shańaraq múnásibetlerin bekkemlew. Jaslardı ruwxıy jetilgen, ideyalıq gúressheń,  millet hám mámlekettiń rawajlanıwı jolında óz kúshin ayamaytuǵın jetilgen insan etip tárbiyalaw.

2.Baslanǵısh hayal-qızlar máseleleri boyınsha keńesiniń alıp baratuǵın jumıslarınıń tiykarǵı jónelisleri:

Hayal-qızlardıń jámiyette sociallıq, ekonomikalıq, siyasiy hám miynettegi belsendiligin kúsheytiw, olardıń huqıq hám máplerin qorǵaw hám támiyinlew islerin alıp barıw;

Hayal-qızlar arasında ruwxıy-aǵartıwshılıq jumıslardı ámelge asıradı, milliy hám mádeniy qadiriyatlarımız, dástúrlerimiz tiykarında qızlardı hár tárepleme jetilgen insan etip tárbiyalawda ilajlar, ushırasıwlar, seminarlar, konferenciyalar ótkeriw;

Hayal-qızlardıń huqıqların qorǵaw, ruwxıy intellektual hám kásiplik tájiriybesin, huqıqıy sawatlılıǵın, huqıqıy mádeniyatın arttırıp barıw;

«Qábiletli qızlar» dógeregi jumısların jolǵa qoyıw, talantlı, qábiletli qızlardı Zulfiya atındaǵı mámleketlik sıylıqqa usınıs etiwde qatnasıw;

Shańaraqta salamat turmıs tárzin qáliplestiriw, zıyanlı illetlerden jıraq bolıw, hayal-qızlardıń reproduktiv salamatlıǵın jaqsılaw, analıq hám balalıqtı qorǵaw, hayal-qızlardıń mádeniyat hám sportqa bolǵan qızıǵıwshılıǵın arttırıw, múnásip ráwishte mádeniy dem alıwın támiyinlew;

Hayal-qızlar arasında sociallıq-ruwxıy ortalıqtı salamatlastırıw, diniy ekstremizm, missionerlik ideyalardıń tarqalıwınıń aldın alıw, milliy-diniy úrp-ádetlerdi durıs úgit-násiyatlaw;

Xalqımızdıń ruwxıyatına, turmıs tárzine jat bolǵan hayal-qızlar arasında huqıqbuzarlıq, jınayatshılıq, náshebentlik, ishkilikpazlıq, óz janına qast etiw sıyaqlı jaǵdaylardıń aldın alıw;

Kem támiyinlengen, sociallıq qorǵawǵa mútáj, imkaniyatı sheklengen, jalǵız baslı hayallarǵa kómeklesiw.

Filialdıń hayal-qızlar máseleleri boyınsha keńesi baslıǵı jılına bir márte Ilimiy keńeske esabat beredi.