Abıroylı xalıqaralıq sport jarıslarında joqarı nátiyjelerge erisken sportshılardı jámiyetlik hám sport islerine keńnen tartıw. Xalqımız arasında salamat turmıs tárizin keńnen úgit – násiyatlaw. Dene-tárbiyası hám sporttı elede jetilistiriw. Sonday-aq, sporttıń ǵalabalıǵına erisiw. Voleybol sport túrin ǵalabalastırıw. Turaqlı túrde erkekler hám hayal-qızlarımızdı sport hám dene tárbiyası shınıǵıwlarına  tartıw. Ásirese, jaslar arasında sporttı qáliplestiriw. Nuraniyler arasında salamat turmıs tárizin úgit-násiyatlaw maqsetinde Ózbekstan voleybol federaciyası tárepinen usı jıldın 1-5-mart kúnleri aralıǵında Xarezim wálayatında Ózbekstan Respublikasınıń bir qatar wálayatlarınan hám qońısılas Qazaqstan, Qırǵızstan Respublikalarınan kelgen komandalar arasında sporttıń voleybol túrinen Ózbekstan chempionatı bolıp ótti.

Bolıp ótken Ózbekstan chempionatına Ózbekstan mámleketlik dene tárbiyası hám sport universiteti Nókis filialınıń professor-oqıtıwshı hayal-qızlarınan dúzilgen saylandı komandasıda qatnastı.

Hár bir wálayattıń hám qońısılas respublikalardıń joqarı oqıw orınları professor-oqıtıwshı hayal-qızları arasınan dúzilgen komandalar arasında qızǵın bellesiwlerge bay tárizde bolıp ótken Ózbekstan chempionatı juwmaǵında Ózbekstan mámleketlik dene tárbiyası hám sport universiteti Nókis filialı komandası aǵzaları barlıq karsılasınan ústin kelip 1-orındı iyelep jarıstıń keyingi basqıshına jollama aldı.

Filial miynet jámááti atınan komandamız aǵzaların erisken tabısları menen qızǵın qutlıqlaymız hám jarıstıń keyingi basqıshında tabıslar tileymiz.

Filial Baspasóz xızmeti.